Nagalaom ang Kabataan Party-list Panay nga madamo pa sang mga impormasyon kag mga isyu ang mabuksan sa publiko sa nagapadayon nga impeachment trial ni Vice President Sara Duterte.
Sa interview sang Bombo Radyo kay Arlie Bosque, Secretary General sang Kabataan Party-list Panay, iya ginpahayag nga importante nga tutukan sang publiko ang nagapadayon nga Impeachment Trial, ilabi na ang mga isyu nga may kaangtanan sa ginapresentar nga mga alegasyon kag ebidensya.
Suno kay Bosque, kinahanglan man mabantayan kon paano ginapatubang sang bise presidente ng mga alegasyon batok sa iya kag ang mga argumento sang duha ka kampo sa sulod sang impeachment proceedings.
Dugang pa sang natungdan nga madamo pa sang mga impormasyon kag ebidensya ang mapresentar sa masunod nga mga hearing, nga makabulig sa publiko nga mas maintiendihan ang nagapadayon nga proseso sang impeachment trial.
