-- ADVERTISEMENT --
Nagapati ang Kabataan Party-list Panay nga posible makaapekto sa impeachment trial ni Vice President Sara Duterte ang pagbag-o sang liderato sa Senado.
Sa interview sang Bombo Radyo kay Arlie Bosque, Secretary General sang Kabataan Party-list Panay, iya ginpahayag nga kinahanglan magpadayon ang impeachment trial agud mahibaluan sang publiko ang kamatuoran sa mga alegasyon nga ginapaatubang sa bise presidente.
Suno kay Bosque, ang pagbag-o sa liderato sang Senado mahimo nga makaapekto sa direksyon kag pagdumala sang impeachment proceedings.
Ginpahayag man sini nga importante nga kilatison sang mga pumuluyo ang mga nagakatabo sa Senado kag indi dapat matabunan sang mga isyu ukon drama sa pulitika ang kamatuoran.
