May pila ka mga suhestyon ang Kabataan Partylist-Panay sa pag-amyenda sa Sangguniang Kabataan Reform Act, ilabi na sa mga pagbag-o sa qualification sang mga botante kag kandidato sa Sangguniang Kabataan.
Ini matapos mag-file si Senator Vicente “Tito” Sotto III sang Senate Bill No. 2510 nga panubuon ang edad sang mga kwalipikado nga magboto kag magpasakandidato sa SK, halin sa kasubong nga 18 tubtob 24 anyos pakadto sa 15 tubtob 21 anyos.
Lakip man sa proposal ang mga pagbag-o sa paggamit sang SK funds kag mga programa sang youth council.
Sa interview sang Bombo Radyo kay Arlie Bosque, Secretary General sang Kabataan Partylist-Panay, iya ginpahayag may yara sang epekto sa representasyon kag partisipasyon sang kabataan sa lokal nga panguluhan.
Suno kay Bosque, importante nga ang bisan ano nga pagbag-o sa SK Law mangin resulta sang konsultasyon kag aktwal nga pag-upod sang kabataan, agud masiguro nga ang mga polisa kag programa sang SK nagasabat sa ila matuod nga panginahanglan.
Samtang, ginpatuman na ang Republic Act No. 12326, nga nagtakda sang lima ka tuig nga termino sang mga opisyal sang Barangay kag Sangguniang Kabataan kag nag-reset sang sunod nga BSKE sa Nobyembre 2028.
