Plano sang Department of Agriculture (DA) nga magka-kadiwa sites sa mga lugar nga sobra nga naapektuhan ni super typhoon pepito agud mangin accessible sa mga barato nga agricultural commodities.
Ang Kadiwa ang isa ka programa sang gobyerno nga nagahatag sang permisyon sa mga mangunguma kag food producers nga direkta nga ibaligya ang ila nga mga produkto.
Suno kay De Mesa, matapos ang magkasunod nga bagyo, ang presyo sang utanon, partikular ang low-land vegetables, ang posible nga magpabilin nga taliwas sa masami nga two-week recovery time.
Ang mga pinakaapektado nga lugar amo ang Ilocos, Cagayan Valley, Cordillera, Central Luzon, Southern Luzon, Calabarzon kag Bicol regions
Suno naman sa DA-Bantay Presyo, ang maraguso ang nagakabalor sa karon sang halin sa P130 per kilogram tubtob P200/kg, mas mataas sa anay P80/kg tubtob P180/kg.; talong, P150/kg tubtob P220/kg halin sa P110/kg tubtob P130/kg; kag kamatis, halin sa P140/kg tubtob P230/kg, mas mataas sa P130/kg tubtob P210/kg,
Para sa highland vegetables, ang green kag red bell pepper ang nagbalhag sang pinakadako nga pagtaas — ang green yara na sa P190/kg tubtob P500/kg halin sa P220/kg tubtob P370/kg; kag red sa P280/kg tubtob P450/kg halin sa P370/kg.
Nagtaas man ang presyo sang puti nga patatas sa P140/kg halin sa P110/kg.
Gina-validate pa sang DA-Disaster Risk Reduction and Management Operations Center ang mga report sang epekto ni ‘Pepito’.
Nauna na nga nakabalhag ang DA sang P9.8 billion nga balor sang halit kasunod sang paglaslas nanday Severe Tropical Storm Kristine kag Typhoon Leon, kag halos P250 million halin sa hagupit nanday Typhoon Nika kag Super Typhoon Ofel
Para sa intervention, ang DA ang naghatag sang P541.02 million nga balor sang agricultural inputs, kalakip ang rice kag vegetable seedlings, fertilizers, kag biologics para sa mga naapektuhan nanday ‘Kristine’ kag ‘Leon’; kag P84.88 million para sa ‘Nika’ and ‘Ofel’-affected agri sectors.
Ginalakipan man ini sang P667 million indemnification fund para sa insured farmers; P25,000 loanable amount sa kada mangunguma nga sarang bayaran sa sulod sang tatlo ka tuig nga wala sang interest; deployment sang Kadiwa trucks; padayon nga nagapanagtag sang calamity rice nagikan sa National Food Authority; kag paggamit sang P1 billion quick response fund.
