ROXAS CITY – “Masubo apang kinahanglan magpakabakod para sa pamilya”
In ang kabahin sa nangin pahayag ni Tatay Joel Velasco matapos nga napatay ang iya nga tiayon matapos nga ginbun-ag ang ila nga menopausal baby.
Suno kay Tatay Joel nga wala sini gina-ekspektar ang hitabo nga mapatay ang iya nga tiayon.
Ginpahayag sini nga tuman kasakit ang iya nabatyagan matapos nga nadula sa iya kabuhi ang pinalangga niya nga tiayon sadtong tuig 2005.
Apang, wala na ini nagpangita pa sang iban bangud nakahibalo man ini nga masarangan niya ang pagpadaku sang insakto sa iya walo ka mga kabataan nga nagaisahanon.
Dugang pa sini nga apisar nagtaliwan ang iya tiayon nabuhi naman ang ila menopausal baby nga subong naga-edad na sang 15-anyos.
Samtang subong nga nagahilapit na ang pista minatay nagalaom si Tatay Joel nga kun sa diin man ang iya tiayon subong kabay nga pa indi sila pagpabay-an nga magpamilya.
Nahibaluan nga kadungan sang pagselebrar sang All Saints Day subong nga adlaw Nobyembre 1 kag sa pag-obserbar sang Pista Minatay sa Nobyembre 2 gindumdom naman ni Tatay Joel ang iya sini nagtaliwan nga tiayon.
