ROXAS CITY – Handum kag dumot sang barangay kagawad nga ginhimuslan sa banwa sang Panay nga madunot sa bilangguan ang one eye suspek nga nagrape sa iya.
Sa exclusive interview sang Bombo Radyo Roxas kay Kagawad Inday, ginsaysay sini ang inagihan sa kamot ni Jun kag ginbali ang tanan nga nangin pahayag sang suspek.
Gintadlong man sang opisyal ang pahayag ni Jun nga nagpasugot ini sa ginhimo sa iya sa diin suno kay kagawad Inday nga nag-akto lamang ini nga kasubong naga-enjoy bangud nakasalalay ang iya kabuhi kag sang mga anak nga yara sa pihak nga hulot kag nagakatulog.
Ba-se pa sa panaysayon sang biktima nga nagatulog ini sang nagbiya sa ila balay ang bana para magtrabaho.
Mahamuok ang ila katulugon sang nakabatyag ini nga yara na sa iya luyo ang suspek kasunod ang pagtutuk sa iya sang kutsilyo.
Wala ini sang nahimo kundi pasugtan ang suspek bangud ang isa ka kamot sini ang nagatutuk sang kutsilyo samtang ang isa naman ang nagahuba sang iya shorts kag underwear.
Apang ginyodyod siya ni Jun paguha kag sa likod sang ila balay natigayon nga mahimo sang suspek ang masinapat sapaton nga buko.
Suno sa ginang nga matapos ini mahimuslan ni Jun, nagbuhi pa ini sang pahayag nga ila suliton kun liwat maglakat ang iya bana.
Ginapanindugan sang ginang nga bangud tuman ang pagpalangurog sang iya lawas, ginpukaw kag ginsugiran sini ang iya anak nga gilayon nagsugid sa iya tiya kasunod ang pagtawag sa iya amay nga gilayon nagpauli sang nahibaluan ang natabo sa iya asawa.
