SAPIAN, CAPIZ- Hugot nga ginpanginwala ni Barangay Kagawad Silas Ofalia sang Barangay Lonoy, Sapian, Capiz ang mga Barangay Kagawad Silas Ofalianga ginapanghaboy batok sa iya ni Kristoto Lacson.
Sa interview sang Bombo Radyo kay Kagawad Ofalia, iya ginpahayag nga wala sang kamatuuran ang pahayag ni Kristoto nga ginhan-an ini sya sang kutsilyo kag ginsinghanan sini ang iya nga ka-live in partner nga maghalin na sa gina-istaran.
Ginsiling man ni Kagawad Ofalia nga ang rason sang pagpamatok sini sa pagkural ni Kristoto amo bangud sa ginsakop sini ang alagyan sang mga tawo sa patyo sa diin madamo ang nagreklamo sa ila nga talatapan.
Pahayag pa ni Ofalia, posible nga naakig sa iya si Kristoto kabangdanan nga nagpa-bombo ini bangud nga wala sini ginpasugtan nga sakupon sa pagkudal ang bahin sang patyo nga iya sang baranggay.
Nahibaluan nga si Kristoto Lacson kag Kagawad Silas Ofalia ang mag-bayaw.
Samtang, natalana naman bwas nga adlaw, Setyembre 5 ang paghinun-anon nila sa barangay hall agud mahatagan na sang nagakaigo nga igtalupangod ang indi pag-intidihanay nila nga duha.
Interviewed by Bombo Sunnie Mae Constantino Batencila
