Kahalitan sa liquefied Natural Gas sang Qatar, naglab-ot sa $20 billion ang nalugi sa tuigan nga kita

Naglab-ot sa halos $20 billion ang ginabanta nga nalugi sa tuigan nga kita bangud sang damage sa liquefied Natural Gas sang Qatar.

Ini kasunod sang pag-atake sang Iran sa Ras Laffan Industrial City sa nasambit nga pungsod.

Suno kay Bombo Joseph Timothy Rivera, international correspondent sa Qatar, iya ginpahayag nga  nagresulta ini sa pagnubo sang export capacity sang liquefied Natural Gas sang pungsod nga yara nalang sa 17%, kag ginalauman nga magalawig sang tatlo tubtob lima ka tuig antes ini makarekober.

Dugang pa Rivera, ang amo nga insidente nagtuga sang daku nga pagsaka sang presyo sang enerhiya sa bug-os nga kalibutan bangod sa pagkatublag sang supply halin sa Qatar.