Kahalitan sa pagkasunog sang isa ka salakyan sa banwa sang Mambusao, naglab-ot sa P40,000

ROXAS CITY – Ginabulubanta nga kapin sa P40,000 ang nangin kahalitan sa pagkasunog sang isa ka Mitsubishi Adventure (blue) nga salakyan sa Barangay Batiano, Mambusao, Capiz.

Base sa inisyal nga imbestigasyon sang Bureau of Fire Protection, Mambusao Fire Station, ang nasambit nga salakyan ang ginapanag-iyahan ni Meriam Ohao.

Mahibaluan nga naka-park ang salakyan malapit sa gindap-ungan sang pila ka mga pal-ay sang niyog rason nga posible nalab-ot sang kalayo ang amo nga salakyan.