ROXAS CITY – Ginabulubanta nga kapin sa P10,000 ang nangin kahalitan sang nagluntad nga sunog sa isa ka barangay sa banwa sang, Cuartero, Capiz.
Ginkilala ang tag-iya sang balay nga si Ma. Jasmine Ortiz 67-anyos sang Sitio Pukatod, Barangay Sinabsaban, Cuartero, Capiz.
Ginpahayag nga nagluntad ang insedente sadtong Mayo 21 matapos natalupandan sang kaingud balay ni Ortiz nga nagakalayo na ang balay sang biktima.
Maswerte naman nga wala ini napilasan sa nagluntad nga sunog.
Base sa inisyal nga imbestigasyon sang arson investigator sang Cuartero Municipal Fire Station nga si FO1 Regielou Delfin nga nagikan ang kalayon sa nabilin nga baga sa dapugan kag natukiban nga may yara sang isa ka galon sang krudo sa kusina rason nga madasig naglapta ang kalayo.
