Kahalitan sang nagluntd nga suno sa isa ka puluy-an sa banwa sang Pilar, nagdangat sa kapin P80,000

ROXAS CITY – Nagdangat sa kapin P80,000 ang nangin kahalitan sang sunog sa isa ka puloy-an sa Sitio Lagubang, Barangay Natividad, Pilar Capiz, takna alas 9:00 sang aga kahapon Oktobre 2, 2023.

Mahibaluan nga totally burned ang amu nga puluy-an nga ginapanag-iyahan ni Marilyn Benjamin, 38-anyos kag residente sang nasambit nga lugar.

Sandig sa impormasyon nga nakuha sang Bombo Radyo nagikan sa Pilar Municipal Fire Station, nakabaton sila sang tawag pasado alas 9:00 sang aga sa diin ginapahayag may yara sang nagluntad nga sunog kag gilayon nila ini nga ginrespondehan.

Matandaan nga naglab-ot ang sunog sa 2^nd alarm kag nagdugay sang 32 minutos antes mapalong kag nadeklarar nga fire out takna alas 9:36 sang aga.

Ginaalegar nagikan sa kwarto sang biktima ang kalayo kag maswerte na lamang nga wala naulamid ang mga kaiping sini nga puluy-an.

Suno sa Pilar Municipal Fire Station, human sa mixed light concrete materials ang nasambit nga puloy-an.