Kahalitan sang sunog nga nagluntad sa Barangay Libas, Roxas City, nagdangat sa P50,000

ROXAS CITY – Nagdangat sa P50,000 ang kahalitan sang sunog nga nagluntad sa isa ka balay sa Purok 3, Brgy. Libas, Roxas City.

Ginapanag-iyahan ang amo nga balay ni Nestor Blancaflor, 62-anyos, nga residente sang nasambit nga lugar.

Base sa imbestigasyon sang Roxas City Fire Station, nagsugod ang sunog alas 9:45 kaina sang aga nga gilayon naman nga ginrespondehan sang katapo sang bombero kag gindeklarar nga fire out alas 10:05 sang aga. 

Totally burned ang amo nga balay nga human sa light materials.

Wala naman sang kaswalidad ukon napilasan sa nasambit nga insidente.

Sa karon, padayon pa ang imbestigasyon sang Roxas City BFP kun ano ang gintunaan sang amo nga sunog.