ROXAS CITY – Ginabulubanta yara sa masobra P700,000 ang nangin kahalitan sa nagluntad nga sunog kahapon nga adlaw sa canteen sang Rufina Andrada Santos Memorial School nga nahamtang sa Barangay VII, Roxas City.
Ini ang ginpahayag ni Fire Officer 3 Albert Amago, Fire Arson Investigator sang Roxas City Fire Station sang mainterview sang Bombo Radyo.
Nagaguha sa inisyal nga imbestigasyon sang RCFS, ginabulubanta nagsugod ang sunog takna 1:15 sang hapon kun sa diin natupok sang kalayo ang canteen, samtang partially burned naman ang bag-o nga kindergarten building.
Nagdugay sang kapin 30 minutos ang sunog kag gindeklarar nga fire control 1:45 sang hapon.
Suno kay Amago, masuwerte nga wala sang tawo ang canteen sang nagluntad ang sunog kag wala sang mga estudyante kag manunudloang napilasan.
Sa karon, nagapadayon pa ang imbestigasyon sang RCFS kun ano ang gintunaan sang sunog.
