Kahalitan sang sunog sa storage room sang DPWH sa Roxas City, naglab-ot sa P4,500

ROXAS CITY, CAPIZ – Naglab-ot sa P4,500 ang kahalitan sang sunog nga nagluntad sa isa ka storage room sang DPWH 1st District of Capiz sa Barangay XI, Roxas City.

Base sa report sang Roxas City Fire Station, nakabaton sila sang tawag alas 6:23 sang aga kag gilayon nga ginrespondehan sang mga bombero. Ginpahayag nga ang sunog nagluntad sa isa ka istraktura nga ginagamit bilang bodega sang nasambit nga ahensya.

Alas 6:28, gin-deklarar nga under control ang kalayo kag fire out naman ini pag-abot sang alas 6:35.

Wala sang nasamaran sa insidente, kag padayon pa ang imbestigasyon sang Bureau of Fire Protection (BFP) sa kabangdanan sang sunog.