Kahimtangan ni Pope Francis, nagapabilin nga stable – Vatican 

Nagapabilin nga stable ang kahimtangan sa karon ni Pope Francis kag wala na nakabatyag sang kabudlay sa pagginhawa, suno sa report sang Vatican. 

Ini ang sitwasyon sang santo papa nga masobra duha na ka semana nga yara sa hospital kag nagapakigbato sa double pneumonia. 

Ginpahayag man sang Vatican nga wala sang lagnat si Pope Francis kag wala nagapakita sang mga palatandaan sang pagtaas sang numero sang white blood cell, kun sa diin ang ilig sang dugo kag sirkulasyon sini ang nagapabilin nga stable.

Dugang pa, padayon nga nagakaon ang santo papa.