Maga-upod sa hinampang sang Gilas Pilipinas si kai Sotto.
Suno sa Head coach Tim Cone sang Gilas Pilipinas, wala nia ginadali ang pag-ayo ni Kai Sotto.
Ginsiling sini nga dal-on lamang sini ang 7-foot-3 nga si Sotto sa Jeddah, Saudi Arabia para sa FIBA Asia Cup halin Agosto 5-17.
Ginklaro sini nga indi na maghampang ukon magpraktis si Sotto bangud wala pa lubos nga nag-ayo ang iya pilas.
Importante suno sa iya subong nga yara ang iya presensya agud makita man ang iban pa nga hampang sang iban nga teams kon magasugod na ini.
Apisar nga ginalauman nga maga-upod si Sotto sa Gilas sa Nobyembre ukon Disyembre para sa pagsugod sang FIBA World Cup qualifiers, wala nagadali si Cone nga magpahampang sa iya.
Ang Gilas Pilipinas yara sa Group D kaupod ang New Zealand, Chinese Taipei, kag Iraq.
Una nga maga-atubang ang Gilas sa Taiwanese sa Agosto 6, pagasundan sang New Zealand sa Agosto 8, kag Iraq sa Agosto 10.
