Ginkumpirma ni Gilas Pilipinas head coach Tim Cone nga magaupod sa ila sa training si Kai Sotto para sa fifth window sang FIBA world Cup 2027 Asian Qualifiers.
Suno kay Cone, makaupod nila si Sotto sa Seremban, Malaysia sa Nobyembre 21.
Madamo ang nagduda nga indi mangin kabahin sang team si Sotto bangud sa iya injury matapos gin-anunsyo sang Philippine Basketball Association nga malakip si Sotto sa 12-man roster sang national team.
Dugang pa ni Cone, nakahampang na si Sotto sa katapusan nga hampang sang Japan League kag interesado nga mag-upod sa Gilas Pilipinas.
Si Sotto ang ginakabig nga main key sa kadalag-an sang Gilas sa fourth window sang FIBA World Cup Asian Qualifiers kon sa diin ginlutos nila ang Iran kag Jordan.
Sa fifth window makaatubang sang Gilas ang Syria kag Iran .
