Nakaangkon sang arterior cruciate ligament (ACL) injury si Gilas Pilipinas star player Kai Sotto.
Naagom sini ang nasambit nga injury kadungan sa pagkapiyerde sang iya nga team nga Koshigaya Alphas sa Sea Horses Mikawa sang Japan B.League sang damlang lang.
Nagpadulong sa Tokyo ang 7-foot-3 Gilas center agud magpaidalom sa MRI sang iya nawala nga tuhod.
Ginpahayag sang 22-anyos nga anay Ateneo high school star nga ini na ang makabig pinakamabudlay nga bahin sang iya nga basketball career.
May ara ini sang average nga 13.8 points nga 52 percent shooting, 9.6 rebounds, 2.0 assists kag 1.1 blocks gikan sa una nga tuig sini sa Koshigaya.
Bangud sini indi na makahampang si Kai sang tubtob anom ka bulan kag indi man makaupod sa February window sang 2025 FIBA Asia Cup qualifiers kun sa diin makaatubang sang Gilas ang Chinese Taipei kag New Zealand.
