Kakulangan sang financial records sang Cale88, gintalakay sa impeachment trial ni VP Sara Duterte

Gintalakay ang kakulangan sang financial records sang Cale88 sa ika-38 nga adlaw sang impeachment trial ni Vice President Sara Duterte subong nga Lunes, Oktubre 12.

Sa interjection ni Senator Raffy Tulfo, ginpamangkot sini ang forensic analyst nga si Atty. Alex Cabrera kon iya gin-usisa ang accounts payable kag receivable sang kompaniya, lakip ang mga dokumento nga magapamatuod sa aktwal nga pag-export sang mga produkto sini.

Gin-athag ni Cabrera nga wala sang na-record nga payables, receivables kag imbentaryo sang hilaw nga materyales ukon work in process sa financial statements sang Cale88, kag wala man sila sang data nga makapamatuod kon nagasanto ang balor sang mga produkto nga gin-export sa kuwarta nga nagasulod sa kompaniya.