Ginpabakod sang Kamara ang resolusyon nga wala nagalapas sa 1987 Constitution ang impeachment proceedings batuk kay Vice President Sara Duterte.
Sa plenary sessions sini nga ginhiwat sang Miyerkules sang gab-i, Hunyo 11, gin-aprubahan nga ang House Resolution No. 2346 nagapamatuod nga ang impeachment proceedings nagasunod sa Article XI, Section 3, Paragraph 5 sang 1987 Constitution.
Lakip man diri ang tatlo ka instances sang pagpasaka sang tatlo ka impeachment complaints.
Ang nasambit nga resolusyon ang ginduso nanday House Senior Deputy Speaker Aurelio “Dong” Gonzales Jr. sang Pampanga, House Deputy Speaker Rep. David “Jay-Jay” Suarez sang Quezon, kag House Majority Leader Rep. Jose Manuel Dalipe sang Zamboanga City.
Bangud sini, ginmanduan si House Secretary General Reginald Velasco nga mag-issue sang certification santo sa pag-adoptar sang nasambit nga resolusyon.
