Ginpakita sang House of Representatives nga indi pwede nga pabay-an ang ginfile nga impeachment complaint batuk kay Vice President Sara Duterte.
Ini ang ginpahayag ni anay Senator Leila De Lima nga isa man sa mga nagfile sang complaint.
Ang pahayag ni De Lima ang kasunod sang nangin tikang sang Kamara sa pag-impeached sa Bise Presidente nga natabo sadtong ulihi nga adlaw sang sesyon bag-o ini mag break.
Ginpahayag ni De Lima nga ginhimo lamang sang Kongreso ang insakto kag nagakadapat nga tikang agud sa aton nga pungsod.
Ginhatagan pagtamod sang anay Senadora nga ang impeachment ang indi personal nga pagpakigbato, indi ini nahanungod lamang kay VP Sara, kag wala man ini dapat ginakabig nga pamulitika.
Pagpanindugan ni De Lima, ini ang pagpakigbato sang mga Pilipino sa pagpang-abuso, korapsyon, kag pagpatumbaya sa aton nga mga institusyon, pagpangbastos, kadulaan sang respeto sa mga proseso nga ginbutang sa aton nga konstitusyon.
Suno pa nga, klaro ang mga alegasyon batuk kay VP Duterte kaangay sang madasig nga pag-gastos sang minilyon nga confidential funds nga wala sang nagakaigo nga paathag, paggamit sang posisyon para sa personal nga interes, kag hayag nga pagtinguha nga gub-on ang mga proseso nga nagapasiguro sang accountability sa gobyerno.
