Ginapreparar na sang Kamara ang pormal nga turnover sang ginaduso nga 2026 National Expenditure Program (NEP) halin sa Department of Budget and Management (DBM).

Nagsapol ang mga opisyales sang Kamara kag DBM agud istoryahan ang detalye sang turnover nga tentatibo nga natalana sa Agosto 13.

Ini ang sandig sa Konstitusyon nga nagamando sa Presidente nga isumiter ang budget sa sulod sang 30 ka adlaw halin sa pagbukas sang regular session sang Kongreso.

Ginhatagan pagtamod ni House Secretary General Reginald Velasco ang importansya sang matalunsay nga turnover ceremony, nga iga-livestream sa social media sang Kamara kag DBM.

Isa man ka press conference ang pagahiwaton agud istoryahan ang detalye sang ginaduso nga budget para sa 2026.