Ginpahayag ni Rep. Terry Ridon sang Bicol Saro Partylist nga sa ika-20 congress, magabalik liwat sa botohan ang impeachment case batuk kay Vice President Sara Duterte.
Ginalauman nga mga 215 ka mga miyembro sang Kamara ang magasuporta sa pagpadayon sang impeachment complaint.
Suno sa report sang House Committee on Justice, may nadiskubrehan nga lapnagon nga mga transaksyon nga naglab-ot sa bilyon-bilyon ka pesos sa mga account sang Bise Presidente kag sang iya asawa.
Ini ang ginakumpara sa iya gindeklara nga P88.5 milyon sa 2024 Statement of Assets, Liabilities, and Net Worth (SALN).
Dugang pa, ginmandu man sang Commission on Audit ang pagbalik sang P448 milyon nga ginakabig nga disallowed confidential fund expenditures kag personal nga obligasyon.
May mga video recordings man nga ginapahayag nagapakita sang pagpamahog sang Bise Presidente batuk sa Presidente, First Lady, kag anay Speaker sang Kamara.
Suno kay Ridon, ang impeachment isa ka konstitusyonal nga proseso sang pagpasabat kag indi lang isyu politikal.
Para sa iya, ini isa ka tikang para sa kamatuoran, responsibilidad, kag hustisya sang pumuluyo.
