Ginsiguro ni House Secretary General Reginald Velasco nga nakahanda na ang Kamara para sa ikatatlo nga State of the Nation Address (SONA) ni Presidente Ferdinand R. Marcos Jr.
Sa ginpatigayon nga SONA inter-agency meeting sa Palasyo sang Malakanyang, ginpahayag ni Velasco ang mga ginhiwat nga renovations sa Kamara para ma-accomodate ang mga partners nagikan sa Office of the President (OP) kag Senado.
Nagpasalamat naman si Senate Secretary Renato Bantug sa House of Representatives sa mga pag-andam nila para sa nasambit nga event.
Ginpamangkot ni Presidential Communications Office (PCO) Undersecretary Honey Rose Mercado ang Metro Manila Development Authority (MMDA) sa mga detalye angut sa traffic rerouting plan agud mahatagan sang advisory ang publiko agud makapangandam para sa mga pagahiwaton nga adjustments sa adlaw sang SONA.
Ginreport man sang Philippine National Police (PNP) nga yara sa 2,200 ka mga police personnel ang ila igadeploy sa nagkalain lain nga bahin sang Metro Manila.
Nagpatigayon naman sang initial walk-through para sa SONA scenario sumugod sa pag-abot ni Presidente Ferdinand Marcos Jr tubtob sa iya nga speech.
Nakatalana naman sa July 15, 2024 ang final meeting para sa paghanda sa SONA 2024.
