Ginpasiguro sang House of Representatives nga wala sila mahadlok sa ginatawag nga political threats sang Partido Demokratiko Pilipino (PDP) may kaangtanan sa natalana nga botohay sang impeachment batuk kay Vice President Sara Duterte subong nga Lunes, Mayo 11.
Suno kay Deputy Speaker Paolo Ortega V, indi magpadaog sa pagpanghadlok, pag-blackmail, ukon pagpugong sang mga kongresista sa pagtuman sang ila konstitusyonal nga katungdanan lakip na ang pagtalakay sang impeachment complaints.
Naggwa ang ini nga pahayag matapos magpaandam ang PDP nga posible nila i-blacklist ukon kontrahon sa masunod nga eleksyon ang mga mamalidha nga magaboto pabor sa impeachment ni VP Sara.
Dugang pa ni Ortega, mas ginahatagan importansya sang Kamara ang tingog sang pumuluyo nga Pilipino kag indi ang interes sang isa ka partido nga, suno sa iya, nagatinguha nga mapabakod liwat ang impluwensya sini sa politika.
