Kamatayon sang 25 anyos nga criminology graduate sa Jamindan, wala sang foulplay 

ROXAS CITY -Nagapati ang punong barangay sang Barangay Aglibacao, Jamindan, Capiz nga wala foulplay ang kamatayon sang 25-anyos nga criminology graduate nga nagbitay-patay sa puno sang mangga.

Ginpahayag ni Punong Barangay Edwin Marquez nga mabuot kag wala sang kontra sa barangay ang wala na ginhingadlan nga biktima.

Base sa pagkakilala ni Marquez sa biktima, tuman ini ka maabi-abihon.

Ginkakibot na gid lamang ni Marquez sang nabalitaan sini nga gin-utas sang biktima ang iya kaugalingon nga kabuhi.

Nagapati man si Marquez nga posible nagsunggod ang biktima sa mga ginikanan sini matapos nga wala anay siya ginpakuha sang board examination kag gin-una ang iya nga utod.