ROXAS CITY -Wala sang nakit-an nga ‘foul play’ ang mga katapo sang Mambusao Municipal Police Station sa kamatayon sang 54-anyos nga lalaki nga nasapwan nga patay sa Barangay Najus-an, Mambusao, Capiz.
Ginpahayag ni Police Captain Edwin Luces, hepe sang Mambusao Municipal
Police Station nga sandig sa inisyal nga imbestigasyon sang mga kapulisan, wala sang indikasyon nga may yara sang persona nga responsanble sa kamatayon sang biktima nga si Jesus Obarra sang Barangay Maninang, Sapian.
Gindugang pa ni Luces nga posible nalampos sang biktima ang iya ulo sa tion nga nadanlog sa mataas nga porsyon sang iya ginaagyan.
Samtang nagahulat na lamang ang mga kapulisan sa banwa sang Mambusao sa desisyon sang himata ni Obarra kun ipaidalum pa ang bangkay sini sa autopsy examination.
Matandaan nga sandig sa inisyal nga imbestigasyon sang mga kapulisan nga mapadulong sa Barangay Bula, Mambusao si Obarra apang nagpanglaktud ini sa kabukiran agud malikawan ang checkpoint kag diri dimalas nga nadanlog sa mataas nga porsyon sang iya ginaagyan.
