Kamatayon sang 68-anyos nga tigulang nga nasapwan nga isa na ka bangkay sa Sitio Arcabalo Barangay Bolo Roxas City Wala sang foul play – RCPS

ROXAS CITY -Wala sang may nakit-an nga foul play ang mga kapulisan natuhoy sa kamatayon sang 68-anyos nga tigulang nga nasapwan nga isa na ka mayami nga bangkay sa Sitio Arcabalo, Barangay Bolo, Roxas City.

Suno sa imbestigasyon ni Police Master Sergeant Ronnie Recto, imbestigador sang Roxas City Police Station nga wala sang indikasyon nga ginpatay ang biktima nga si Celso Borja Sr. residente sang nasambit nga lugar.

Dugang pa ni Recto nga posible gin-atake si Borja sang ginasuprehir sini nga balatian nga Tuberculosis.

Sa karon yara na sa isa ka punenaria ang bangkay ni Borja.