-- ADVERTISEMENT --
ROXAS CITY – Nagpaandam si Capiz 2nd District Congressman kag House Deputy Speaker Fredinil Castro sa nabilin pa nga narco-politician nga dapat mag-untat na kun indi luyag nga maexperiensiyahan ang natabo sa pamilya Parojinog sang Ozamiz City.
Suno kay Congressman Castro nga dapat magserbe nga leksyon kag paandam sa mga narco-politician nga wala sang maayo nga matuga ang droga sa tawo, sa baylo mabutang lamang sa peligro ang kabuhi sini.
Ginpalab-ot man sang kongresista sa iban nga pulitiko nga may kaangtanan sa droga nga untatan na ang iligal nga buluhaton bangud indi lamang ini sala sa laye, tawo kalakip ang Diyos.
