Kamot sang Pulis nga nautod matapos ginlabo sang lalaki, madinalag-on nga nabalik sang mga doctor

Madinalag-on nga nabalik liwat sang mga doktor sa Bicol Medical Center ang nautod nga kamot ni SSgt. Noli Miraña matapos gin-atake sang isa ka lalaki sa San Jose, Camarines Sur.

Si Miraña ang isa sa mga pulis nga nagresponde sa isa ka lalaki nga ginaalegar nagma-oy sa brgy. Calalahan.

Isa ini ka daku nga pagtilaw para kay PSSgt Noli Miraña, apang sa pihak sini, nagapabilin ang kaisog kag kalig-on sang isa ka pulis nga nagtuman sang iya katungdanan.

Nagpasalamat naman ang pamilya sang pulis matapos masugpon sang mga doctor ang nautod sini nga kamot.

Sa subong, nagapadayon ang pagpa-ayo sang pulis bangud sang naagom nga pilas.