Kalakip ang mga pangalan nga pareho sang prutas, palaman kag root crop ang pila sa mga nakalista sa confiedential fund disbursements sang Office of the Vice President ni Vice President Sara Duterte sang 2023.
Ginpahayag ini ni Commission on Audit (COA) state auditor Xylene del Campo sang Intelligence and Confidential Funds Audit Office (ICFAO) sa ika-14 nga adlaw sang impeachment trial ni Duterte.
Suno kay Del Campo, wala man sang may ginpakita nga bastante nga accomplishment sa mga dokumento nga ginpasa sang OVP agud maghatag sang basehan sa pagbayad sang reward para sa confidential information sa nakalista nga mga pangalan.
May mga kulang man sang dokumentasyon para sa mga gingasto sa mga supply nga para sa confidential operations.
Yara man sa mga acknowledgement receipt ang mga ka-apelyido sang pila ka mga senator-judge kaangay sang “Escudero,” “Hontivero,” “Estrada,” kag “Lapid.”
