Gin-anunsyo ni Manila Rep. Joel Chua nga posible makahimo sang election offense si Vice President Sara Duterte kun mapamatud-an nga ang iya kampanya sang 2022 nakabaton sang pondo gikan sa mga Chinese nationals nga may kaangtanan sa Pharmally.
Suno sa Omnibus Election Code, illegal para sa mga dumuluong nga maghatag sa kampanya, kag illegal man para sa mga kandidato nga magbaton sang amo nga mga donasyon.
Dugang pa ni Chua, mahimo ini magresulta sa culpable violation sang Konstitusyon kag maathag nga paglapas sa election laws kun mapamatud-an nga foreign nationals ang mga involved.
Base sa affidavit ni Ramil Madriaga nga nagpakilala nga anay aide kag bagman ni Duterte, nakabaton ini sang minilyon ka pesos gikan kay Lin Weixiong kag sa mga negosyante nga sanday Tony Yang kag Michael Yang para sa campaign activities.
Gin-alegar nga gingamit ang pondo sa operasyon sang ISIP, isa ka non-profit nga ginpahayag gintukod agud suportahan ang kandidatura ni VP Sara.
Ginhatagan pagtamod man ni Chua nga separado na nga butang kon ang nasambit nga mga donasyon ang gindeklara sa Vice President’s Statement of Contributions and Expenditures (SOCE).
Samtang, nagapabilin nga bukas ang House Committee on Justice sa bahin ni Duterte agud sabton ang mga alegasyon, samtang padayon ini nga wala nagatambong sa mga hearings kag nag-file sang petisyon sa Korte Suprema nga untaton ang proseso.
