ROXAS CITY – Hugot sa gihapon ang kampanya sang mga kapulisan batuk sa iligal nga droga sa probinsya sang Capiz.
Base sa 3rd quarter accomplishment report sang Capiz Police Provincial Office (Capiz-PPO) naglab-ot sa 52 tanan ka mga madinalag-on nga operasyon ang natigayon sang mga kapulisan sa mga kabanwahanan sa diin 80 diri ang mga naaresto kag 173.7562 grams naman ang narekober nga mga iligal nga droga gikan sa mga arestado sa diin nagabalor sang kabug-osan nga P2, 085,074.40.
Samtang, naglab-ot naman sa 120 tanan ka mga kaso sa paglapas sa Republic Act 9165 ukon Comprehensive Dangerous Drugs Act of 2002 ang ginpasaka batuk sa mga arestado.
Wala naman nagauntat ang mga kapulisan sa pagpatigayon sang mga operasyon kag pagmonitor sa mga indibidwal nga nagagamit kag nagaduso sang iligal nga droga sa probinsya.
