Kampanya vs ilegal nga droga sa Western Visayas, nagapadayon sa pihak sang COVID-19 pandemic – PDEA 6

ROXAS CITY – Nagapadayon ang hugot nga kampanya kontra ilegal nga droga sang Philippine Drug Enforcement Agency (PDEA) sa Western Visayas sa pihak sang ginapangatubang nga coronavirus disease (COVID-19) pandemic.

Ini ang ginpahayag ni PDEA 6 Director Agent Alex Tablate sang mainterview sang Bombo Radyo.

Suno kay Tablate nga wala sila nagauntat sa nasambit nga kampanya bangud may mga drug personalities nga nagapanghingalit kag nagaduso gihapon sang ilegal nga droga apisar nagapangatubang sa karon sang pandemiya.

Ginpahayag sini nga hugot nila nga gina-tsekyar sa mga entrance kag exit points ang mga nagasulod agud masiguro nga matapna ang pagduging sang ilegal nga droga sa rehiyon.