Kampo ni Duterte, nagakabalaka bangud sa pagpamalibad nga magbisita sa anay presidente

Nagakabalaka ang kampo ni anay Presidente Rodrigo Duterte sa pagpanginwala sang mga pagbisita sa iya sa iya pagkabilanggo sa International Criminal Court.

Suno kay Atty. Harry Roque, anay spokesperson ni Duterte, sang nagligad lang nga semana ang katapusan nga tion nga ginpasulod ang mga bisita.

Bangud sini, nagpakig-angut sa ICC ang common-law wife sang anay presidente nga si Honeylit Avancena kag ang ila mga abogado.

Nagalaum ang kampo sang anay presidente nga masanagan sila bangud may gintalana nga mga adlaw sa pagbisita sa anay presidente.