Gintawag sang kampo ni former President Rodrigo Duterte nga wala sang kamatuoran ang listahan sang International Criminal Court (ICC) sang mga gina-alegar co-perpetrators sa kaso sang crime against humanity.
Suno sa lead defense counsel ni Duterte nga si Nicholas Kaufman, halos isa ka tuig na nga nahibaluan sang kampo sang anay Presidente ang mga identity sang mga ginaalegar nga mga co-perpetrators.
Pahayag niy, suno sa polisiya sang korte, hugot nila nga ginamentinar ang confidentiality sang mga ngalan.
Bangud sini, ginpanginwala sini ang alegasyon nga posible mabutang sa katalagman ang integridad sang imbestigasyon sang fiscal kun ihatag ang interim release sang anay presidente.
Ginpanindugan ni Kaufman nga ila pamatud-an nga wala sang basehan ang mga alegasyon batuk sa ginhingadlan nga co-perpetrators sa pre-trial hearing sang ni Duterte sa masunod nga semanna.
Sa subong, nagapati si Kaufman nga wala sa mga pangalan nga yara sa listahan ang may warrant of arrest.
