ROXAS CITY – May ginakabig na nga person of interest ang kampo sang gobernador sa paghimo sang fake post sa social media batuk sa iya.
Sa interview sang Bombo Radyo kay Governor Esteban Evan Contreras II, ginpahayag sini nga may nakapalab-ot sa iya sang impormasyon angut sa yara sa likod sang pagpangguba sang iya pangalan.
Apang, kinahanglan nila nga magtipon sang ebidensiya batuk sa may kahimuan sang amu nga pagpatalang.
Apisar nga nag-deactivate na sang account ang orihinal nga nag-post sang peke nga balita, ginpasiguro ni Contreras nga paga- imbestigaran sini sa National Bureau of Investigation ang amu nga insidente agud mahatagan sang leksyon ang mga nagahimo sang indi insakto, bangud importante para sa iya nga mabal-an sang tawo ang matuod nga ginahimo sini sa probinsya.
Mensahe ni Contreras sa mga kasumpong sini sa pulitika nga magtrabaho kag pabay-an ang pumuluyo nga magpili sang para sa ila may inubrahan sa gobyerno.
