Ginapaabot nga maga-file ang kampo ni Former House Speaker Martin Romualdez sang petition for bail ukon petisyon para sa piyansa sa Sandiganbayan Third Division, may kaangtanan sa iya ginapangatubang nga kaso nga plunder nga nagalab-ot sa P7.44 bilyon kag may kaangtanan sa alegasyon nga kickback scheme sa flood control kag iban pa nga proyekto sang gobyerno.
Natanalana nga magasugod sa Oktubre 12 ang hearing sa petition for bail. Suno sa Sandiganbayan, ginapaabot nga magpresentar ang prosekusyon sang 23 ka testigo sa bail proceedings, samtang ang depensa naman posible nga magpresentar sang tatlo tubtob apat ka testigo.
Ang bail hearing gin-schedule tubtob Nobyembre 12, samtang ang trial mismo sa kaso ukon trial proper natalana nga magasugod sa Nobyembre 23.
Sa main trial, plano sang prosecution nga magpresentar sang 96 ka testigo, lakip ang 23 nga ipaatubang sa bail proceedings kag 73 sa trial proper.
Samtang, sang September 16, ginpaidalom si Romualdez sang plea nga not guilty sa kaso nga plunder sa Sandiganbayan.
