Nag-file sang motion to squash ang kampo ni Vice President Sara Duterte sa kaso nga ‘grave threats’ sa Regional Trial Court sang Quezon City.
Mismo si Prosecutor General Richard Anthony Fadullon ang nagkumpirma sa pag-file sang bise presidente sang ‘motion to quash’ agud ibasura ang kaso.
Suno sa iya, base sa impormasyon nga nakabaton ang korte sang kasubong nga mosyon rason nga nagpadala sang mando ang piskalya.
Ginapahayag nga ginmanduan ang Department of Justice nga magsumiter sang komento may kaangtanan sa mosyon nga ginpasaka sang akusado.
Suno kay Prosecutor General Fadullon, ginhatagan sila sang korte sang lima ka adlaw agud magsabat sa motion nga ibasura ang kaso.
Apang aminado ini nga wala pa sila mahatagan sang opisyal nga kopya sang ‘motion to quash’ ni Duterte.
Nahibaluan nga nagapangatubang sang kaso nga ‘grave threats’ si Vice President Sara Duterte bangud sa pagpamahog sa kabuhi nanday President Ferdinand ‘Bongbong’ Marcos Jr, first lady Liza Araneta Marcos kag anay House Speaker Martin Romualdez.
