Ginpanindugan naman sang kampo ni VP Sara Duterte nga indi nila sala kon ngaa nagadugay ang pre-trial conference process para sa impeachment trial.
Suno kay Atty. Michael Poa, legal counsel ni Duterte, ginpahayag sini nga indi matuod nga kulang sila sang mga tinawo, amo kon ngaa mahinay ang proseso sang pagmarka sang mga dokumento.
Ginpangapinan man ni Poa ang ila desisyon nga may separado nga pagmarka sang mga dokumento sa baylo nga himuon ini sa ginaproponer nga common markings sang prosekusyon para sa mga dokumento nga ginauyatan sang magtimbang nga bahin.
Gintudlo niya ang isa ka insidente kon sa diin natukiban nga may isa ka pahina nga nadula sa bersyon sang dokumento nga ginauyatan sang prosekusyon kon ipaanggid sa kopya sang depensa.
