Ginpanindugan sang kampo ni Vice President Sara Duterte nga ang Senado bilang Impeachment Court ang magadesisyon kun mapamatud-an ukon indi ang testimonya ni NBI Director Melvin Matibag sa nagapadayon nga impeachment trial.
Ini ang pahayag ni Defense spokesperson Michael Poa bilang sabat sa ginpahayag ni House Prosecutor kag Iloilo 3rd District Representative Terry Ridon nga indi dapat mag-resign si VP Duterte bangud magakadto lang ini sa mas importante nga bahin sang trial, kon sa diin ginalauman nga istoryahan ang financial records.
Suno kay Poa may kinamatarong ang prosecution nga magpabutyag sang ila punto-de-bista, apang yara sa gihapon sa Senado bilang Impeachment Court ang pagdesisyon kun paano nila timbangon kag hatagan sang balor ang testimonya ni Matibag.
