Ginpamatukan sang defense team ni Vice President Sara Duterte ang paggamit sang prosekusyon sang mga tinaga nga “mastermind” kag “architect” sa nagapadayon nga Senate impeachment trial.
Suno sa depensa, indi nagakaigo ang amo nga mga tinaga sa paglaragway kay VP Sara may kaangtanan sa paggamit sang confidential funds.
Naghingyo naman depensa nga dulaon sa opisyal nga rekord sa amo nga mga pahayag kag ginpangabay man nga likawan sang prosekusyon ang paggamit sang mga tinaga kaangay sang “scam” agud malikawan ang pre-judgment.
Ginpahanumdom ni Presiding Officer kag Senate President Francis “Chiz” Escudero ang prosekusyon nga maggamit sang mas nagakaigo kag matinlo nga mga tinaga sa pagpadayon sang hearing.
Samtang, nagpamalibad si defense spokesperson Atty. Michael Poa sa pagkomento kun hungod ang paggamit sang amo nga mga termino, kag nagalaum sila nga dapat ang nagakaigo nga mga tinaga ang gamiton sa hearing.
