Ginpanginwala naman sang kampo ni Vice President Sara Duterte ang pahayag nga ang Office of the Vice President (OVP) naggamit sang P125 million confidential funds sa sulod lamang sang 11 ka adlaw sang Disyembre 2022.
Sa impeachment trial, ginpahayag sang depensa nga apisar nabaton sang OVP ang P125 million sang 2022, ang pagpaguwa sini ang may approval ni President Ferdinand Marcos Jr.
Apang, gin-ako sang depensa nga nakabaton ang OVP sang amo nga confidential funds.
Dugang pa sini nga pareho nga ginbawi sang OVP kag sang Department of Education (DepEd) ang ila confidential fund allocations para sa una nga tatlo ka quarter sang 2023, subong man ang pagkamatuod sang mga pirma sa liquidation documents sang duha ka ahensya.
Matandaan nga nagpaguwa sang Notice of Disallowance ang Commission on Audit (COA) sa P73 million nga pundo bangud sa ginapahayag paglapas sa nagaluntad nga mga pagsulundan.
