Gin-athag sang kampo ni Vice President Sara Duterte, nga indi pamahog ang ila pahayag nga ang iban pa nga mga impeachable officials, lakip na ang Presidente, ang posible maga-atubang sang amo man nga kapalaran kon ang isa ka nagapungko nga bise presidente mahimo nga ma-indict kag mapasakaan sang kaso.
Ini ang sabat sang kampo ni Duterte sa pahayag ni Palace Press Officer Claire Castro, nga nagpamangkot kon may isa naman ka pamahog nga ginapagwa ang kampo ni Duterte.
Suno sa legal counsel ni VP Sara sa kaso nga grave threats, ginpahayag ni Atty. Paul Lawrence Lim, isa lamang ini ka “statement of fact” kag indi isa ka pamahog.
Ginpanindugan sini nga kun mahimo nga mapasakaan sang kaso si Duterte samtang nagapungko, mahimo man ini matabo sa iban pa nga impeachable officials.
Una diri, naghingyo ang kampo ni Duterte nga i-dismiss ang mga grave threats cases bangud sa ginaalegar kakulang sang jurisdiction sang korte.
Nag-file man sila sang motion nga i-postpone ang arrest warrant samtang ginahulat ang desisyon sa matter of jurisdiction.
