Matigdas nga ginpahayag ni Atty. Sheila Sison, lead defense counsel ni Vice President Sara Duterte, nga ang impeachment case isa ka pagtinguha nga mapahalin ang bise presidente nga ginpili sang masobra 32 milyon ka mga Pilipino.
Sa iya opening statement sa impeachment trial, ginpahayag ni Sison nga maathag ang katuyuan sang mga reklamo nga ginpasaka batuk kay Duterte kag nagpanindugan nga dapat respetuhon ang desisyon sang mga botante nga nagbutang sa iya sa pwesto.
Una diri, ginpahayag ni House Lead Prosecutor Rep. Gerville Luistro nga ang impeachment ang indi pamulitika ukon pagtimalos, kundi isa ka proseso agud manabat ang isa ka opisyal sang gobyerno.
Lakip sa mga alegasyon nga ginapangatubang ni Duterte amo ang gina-alegar indi maayo nga paggamit sang confidential funds, Marcos family, wala mapaathag nga manggad, kag gina-alegar pagpangsuhol sa pila ka opisyal sang gobyerno.
