Indi magtambong ang kampo ni Vice President Sara Duterte sa plenary deliberations sang Kamara subong nga Lunes.
Suno kay Atty. Michael Poa, spokesperson sang legal defense team ni VP Sara, indi sila pisikal nga magtambong sa plenaryo kag sa baylo i-monitor lamang nila ang resulta sang pagboto.
Ginpahayag man sini nga indi sila maghatag sang espekulasyon kun malab-ot ang required 1/3 vote ukon 106 votes gikan sa 318 ka mga miyembro sang Kamara agud mapasar ang Articles of Impeachment sa Senado.
Ginpasalig naman sang kampo ni Sara Duterte nga handa ini nga atubangon ang impeachment trial kun ipadala ini sa senado.
Samtang, ginpahayag ni Senate President Pro Tempore Panfilo Lacson nga iya pamatukan ang anuman nga pagtinguha nga balabagan ang convening sang Senado bilang impeachment court kun mabaton nila ang Articles of Impeachment.
