ROXAS CITY – Ginpasakaan sang patung-patong nga panumbungon sa Office of the Ombudsman Western Visayas ang punong barangay kag tatlo sinI ka mga Barangay Peace Keeping Action Team ukon BPAT members sang Brgy. Mongpong Roxas City.
Ginpahayag sang taga reklamo nga si anay Barangay Captain James Arbolado nga kalakip sa mga kaso nga ginfile sini sa Office of the Ombudsman amo ang Grave Misconduct, Abuse of Authority, Serious Dishonesty, Conduct prejudicial to the interest of Service, kag perjury ukon false testimony batuk kay Brgy. Kapitan Ricardo Ricky Donato kag tatlo ka mga BPAT members nga sanday Oggie Dorono, Mario Aguilos kag Ramon Donato.
Suno kay Arbolado nag-ugat ini tanan sang nagfile sang kaso nga grave threat si Donato sa ila kasunod sang kinagamo sa tunga sang anak sini nga si Philip Arbolado kag gumangkon nga si Chad Noel Yusay nga anak sang iya pakaisa nga si Charina Yusay.
Ginkaakig ni Donato nga ginhusay ang duha kag wala ginpasakaan sang panumbongon ang bata ni Arbolado rason nga nagpablotter ini kag nag-alegar nga gingubat siya ginpahog nga pagapatyon sang mag-amay nga Arbolado kag Don Arbolado.
Apang suno kay James Arbolado gin-dismiss ini sang Municipal Trial Court in Cities 6th Judicial Region Br. 2 sa diin Presiding Judge si Hon. Presiding Judge Kathleen Delantar.
Bangud diri nagfile man ini sang kaso sa Office of the Ombudsman bangud luyag sini nga mahatagan sang hustisya ang pagka-atrasar sa pagbalik sa trabaho sang anak sini kag pagpakahuya sa iya.
