Nagsaka sa 11 ka mga panimalay ang totally burned matapos ang nagluntad nga sunog sa Plaridel Street, Barangay VIII, Roxas City .
Sa interview sang Bombo Radyo kay SFO1 Junemar Galve, Chief Public Information Section sang BFP-Roxas City, iya ginpahayag nga ginabanta sa kapin ₱120,000 ang danyos nga ginbilin sang sunog.
Sa kabug-usan, 10 ka balay ang totally burned samtang isa ang partially burned.
Suno kay Galve, 11 ka pamilya ukon 31 ka indibidwal ang naapektuhan sang insidente.
Temporaryo anay nga ginpatinir ang mga apektado sa Day Care Center samtang ginaproseso ang nagakaigo nga bulig bangud kalabanan sa ila ang wala gid sang may nasalbar nga kagamitan.
Sa subong, padayon pa ang imbestigasyon sang Bureau of Fire Protection agud mahibaluan ang gintunaan sang sunog.
