ROXAS CITY – Natalana nga magaboto ang kapin 175 nga mga registered PDL’s voters sa palaabuton nga eleksyon pinaagi sa onsite voting sa Roxas City Jail Male Dormitory Brgy. San Jose, Roxas City.
Ini ang ginkumpirmar ni J/SInsp Dever Fantilaga, Warden sang Bureau of Jail Management and Penology (BJMP) sang mainterview sang Bombo Radyo.
Suno diri, maga-patigayon sang onsite voting ang Commission on Election (COMELEC) para sa mga Persons Deprived of Liberty para magboto sa mga naluyagan nga kandidato apang, national position lamang ang mahimo sini nga botohon nagikan sa pinakamataas nga posisyon tubtob sa pagpili sa partylist group.
Ba-se sa record sang COMELEC masobra 200 ang mga rehistrado nga botante sa nasambit nga dormitoryo kag nakalista pa sa mga naka-assign nga polling precint.
Ginhatagan man sang pagtamod ni Fantilaga, nga indi na mahimo nga makaboto ang mga convicted individual ukon ginpamatbatan na sang korte.
Nagapatigayon man ang BJMP personnels sang voters education para sa mga pagsulundan sang Comelec sa paghiwat sang eleksyon.
Ginklaro man sang opisyal nga wala sang may gina-endorso nga kandidato ang ila ahensya kag nagapabilin nga neutral sa eleksyon.
Samtang, nagapadayon naman ang face-to-face visitation sa City Jail kag sundon lamang ang ginapatuman nga pagsulundan kag mga health protocols.
