Kapin sa 20 million ka mga kabataan sa 21 ka pungsod ang nagin biktima sang online sexual abuse kag exploitation kada tuig, suno sa bag-o nga report sang United Nations Children’s Fund (UNICEF).
Base sa imbestigasyon, masobra isa sa lima ka mga pamatan-on nga naga-edad 12 tubtob 17 ang nangin biktima sa public digital platforms, partikular sa social media kaangay sang Facebook, WhatsApp, kag Instagram.
Matandaan nga sang nagligad lang nagpasugot ang Meta company sa $18 billion nga settlement sa USA agud bag-uhon ang privacy kag seguridad sa ila mga plataporma.
Ginapanindugan sang UNICEF nga kinahanglan ipatuman sang mga gobyerno kag mga kompanya sang teknolohiya ang mas hugot nga mga pagsulundan agud maprotektahan ang mga pamatan-on gikan sa katalagman sang internet.
